2006/02/21

Kabos

Kabos sa hambog
Pusoy sa kabtang
Way dala
Way panudlan

Kabos sa hunahuna
Way ideolohiya
Way pilosopiya
Apan buhi siya.

Buhing saksi, nagangisi
Kinabuhi gabuhi kaniya
Kay way iya, gawas sa pahiyom
Wala siyay gibuhi nga ilusyon.

Way panggasolina sa sakyanan
Way pangmatrikula sa tingusbawan
Way papel, way pangalan
Kinabuhi ra, bulahan siya.

Akoy
2006.2.21

Ginamos

Bata gyod:
"Tay, ginamos o"
Amahan pod:
"Bolinaw na Dong"
Ikaripas tang komedya....
hala hala hala...
ang amahan nitukmod sa batang
nitidlom ubos sa pantalan.
"Giingnag dili na ginamos!"
Pagkawas ang liwat nagkanayon:
"Tatay pod oy, nakainom
hinoon kog una".

Akoy
2006. 2.21
There was an error in this gadget

SUMUSUNOD

Bisita

Bisita