2006/11/10

Tug-ani Ko

unsa nga bulak
ang gipatik sa imong payod?

mihiwid ka,
mihawid sa imong buhok…

milingi ug
mitan-aw sa layo…

tungod sa inosente mong mata
ug ngabil...

nabugtoan kog ginhawa…
hagki na lang ko!

Akoy
2006.11.10

Buyag...Simba ko!

bisan unsay gipangyawit
apan ang usa ka buang may balak nga tinipigan.

motuo kag sa dili,
may kasugiran ang iyang kapalaran...

iyang gibutyag sa udtong tutok ang kahimtang
diay, ang kasagaran...mga buang....

siya gayawyaw sa iyang kaugalingon
samtang ang kadaghanan…gihilom lang…

ang kabuang…
buyag, simba ko!

Akoy
2006.11.10
There was an error in this gadget

SUMUSUNOD

Bisita

Bisita