Kapoy na
Hapit na alas dose...
Usa ko matulog
Motan-aw usa ko
Sa baybayon...
Aron mohangab og
Lab-as nga balak.
Akoy
2010.12.22
2010/12/22
2010/11/05
2010/06/13
Hapuhap Sa Bidlisiw
Ang bidlisiw sa adlaw
Sa kahaponon (alas 5:15 )
Milagbas sa bintana nga bildo
Ug mitungtong sa akong buko-buko.
Giganahan ko sa kainit sa iyang hapuhap
Akoy
2010.6.13
2010/06/09
Onse Onse
Paglingi
Sa orasan...
11:11 AM
Upat ka buok
Gabarog,
Daw tuod.
Mga
Mangkoy
Ug mangkay.
Akoy
2010.6.9
2010/05/19
Atake Sa Kasingkasing
Nagdali aron maapsan ang bus
Unya mibalik kay ang selpon nalimtan
Mikaripas na gyod aron dili ka mabiyaan.
Gihangak, mihuot ang dughan, natumba,
Ug nabundak sa semento imong ulo.
Nabiyaan ka.
Sige na lang
Kay miabot
Gihapon ka'g sayo
Sa imong gipadulngan.
Akoy
2010.5.19
2010/04/25
2010/04/22
Tubod Sa Kinabuhi
Hain ang tuburan sa kahiladman,
Ang tubod sa kinabuhi,
Sa gugma ug kadasig?
Akoy
2010.4.22
2010/04/21
Naipit Sa Sira Sa Kahigayonan
Napaslot ang kasingkasing.
Hapdos ang dughan
Sa pait nga dugo nga mikatay
Sa kaugatan ug mihalang
Ang panghupaw
Karong taknaa.
Akoy
2010.4.21
2010/04/20
Wa Damha
Riiiiiiiingggg
"Hi, Akoy"
"Kinsa ni?"
"Si Cheng Chunhao. Paunsa ka nakabalo sa akong numero?"
"Wala man ko mitawag nimo. Ikaw may mitawag."
"Ha? Mi-ring man akong phone....imong ngalan man ang migawas. Motuo ba
ka'g 'yuanfen'(fate/serendipity)?"
ka'g 'yuanfen'(fate/serendipity)?"
"O."
"Naa man ko ron sa Xiamen, first year college gaeskwela ko'g International Trade."
"Komosta ang tiempo diha, ganahan ra ka?'
"Init. Init pa sa Kunming."
"Nakadula pa kag Weiqi?(Go)"
"Mangita pa kog sideline, magtudlo og Weiqi, pero wala pa daw ko
experience. Sulayan nako'g kuhag experience sa."
experience. Sulayan nako'g kuhag experience sa."
"Last time, di ba miuli ko,gitudlo nako sa among lungsod ang Weiqi, OK
biya, ganahan sila, pero di gyod kaayo sama sa chess."
biya, ganahan sila, pero di gyod kaayo sama sa chess."
"Ana gyod. I-record akong number ha? Mag-tawganay ta puhon."
"Unsa gani to imong ngalan? Pasensiya ha kay dugay na ta way contact,
nalimot ko?"
nalimot ko?"
"Cheng Chunhao.... Maayo imohang ngalan kay sayon ra hinumdoman."
"O, nakuha na nako. Maayo ra ka diha?"
"Oo, tanan maayo."
"O, sige, ayo-ayo, hangtod sunod. Salamat sa pagtawag."
"Sige, hangtod sunod."
Lahi Og Kalibotan
Akong kadula ron tagalagyo na
Kay way tagadug-ol nga mosukol.
Ang kaestorya taga-laing suok sa atong
Planeta, kay ang akong kaatbang karon
Lahi pod nga kalibotan ang gipuy-an.
Akoy
2010.4.19
2010/04/19
Hilig
Gasunod sa ginhawa, ug daw
Gihangin nga buyog ang akong hilig karon
Gabalhin-balhin.
Akoy
2010.4.19
Unsay Nakapahabog Sa Imong Garbo Karon?
Nahimamat ang mga tawo, usa ka hugpong
Nga tag-as og kahimatngonan, sumala nila,
Agi sa pagbasa sa usa ka mahinungdanong libro
Nga nabasahan pod nako.
Nabatyagan sulod sa lawak ang ilang kaikag
Sa paghisgot bahin sa gahom sa bag-ong
Kahimatngonan nga naangkon.
Natakdan pod ko sa ilang garbo.
Sa paghisgot bahin sa gahom sa bag-ong
Kahimatngonan nga naangkon.
Natakdan pod ko sa ilang garbo.
Akoy
2010.4.19
2010.4.19
Unsay Nakapalipay Nimo Karon?
Samtang gahulagway ko sa bougainvilla
Nga midikit sa pader nga gabawog hangtod sa unahan
Kilid sa habog nga bilding sa eskwelahan
Gusto nakong makita sa layo ang mga panganod sa pughawng langit.
Unya, kalit mihikap sa akong likod ang akong amigo'g amiga.
"Nag-unsa ka diha?"
"Ga-estudyo unsaon paghulagway niini", tubag nako.
(Nagka-estoryahay mi, kuyog sa paglakaw.)
"Mipalit ko'g libro ganiha gikan sa "The Book Exchange"
(Nga siya god ang tag-iya, nga gibilin sa usa ka lawak sa Cafe Bar
Nga ginapanag-iya sa akong higala nga gipaila-ila kaniya.)
"Nindotan ko sa bookshelf...dark color".
(Mikatawa ra siya.)
"Kadtong tagbayntehon imong gipalit?"
"Treynta.", tubag nako.
"Asa diay mo adto ron?"
Didto sa ..."(Ngalan sa usa ka dulaan, nga wa ko kaila.").
"Dili diay ko katambong sa inyong kasal".
"Tuod nakapalit na ka'g ticket.", sumpay niya.
("Wala pa biya," sa akong hunahuna, gihilom lang.)
"Naa koy lakaw, nakaplano na sa una pa.
Unsay akong madalit, hulip sa akong presensiya?"
"Imong hulagway, ipalingkod sa silya.", tubag niya.
"Pula na lang nga enbelop?"
(Miuyon ang amiga.)
Nagsanga among dalan, padayon ko sa unahan.
Akong naamgohan, pipila na lang kaadlaw, kaslon na sila.
Akoy
2010.4.19
Unsay Gipasalamatan Nimo Karon?
Nakakaon og sinugbang isda,
Napakapinan pag sinugbang karne
Duha ka pinaksan nga kan-on
Ug rice wine nga morag butong ang katam-is.
Napakapinan pag sinugbang karne
Duha ka pinaksan nga kan-on
Ug rice wine nga morag butong ang katam-is.
Akoy
2010.4.19
2010/04/18
Pamalandong
Ubos sa landong sa
punoan, milingkod
siya sa
gamot
nga mi-
tiurok
ilalom
sa pusod
sa yuta
.
Akoy
2010.4.18
2010/04/17
Tagsa-tagsa'g Sakyanan
Unta mag-uban ta
Apan ako ug ikaw
Tagsa-tagsa'g sakyanan
Nga gidrayban.
Apan ako ug ikaw
Tagsa-tagsa'g sakyanan
Nga gidrayban.
Akoy
2010.4.17
Otot
Gapahiyom, nakautot.
Ingon nila, dili madungan
Ang pagtulog ug pag-utot
Sulayi ra god.
Ingon nila, dili madungan
Ang pagtulog ug pag-utot
Sulayi ra god.
Akoy
2010.4.17
Balak
Unsa ang kalibotan sa lingaw-lingaw,
Titik, pulong kun tudling-pulong ang dulaan?
Unsa nga kalibotan ang pinulongan,
Nganong may katawa, kasubo ug katingala?
Titik, pulong kun tudling-pulong ang dulaan?
Unsa nga kalibotan ang pinulongan,
Nganong may katawa, kasubo ug katingala?
Akoy
2010.4.17
2010/04/16
Hain Ka Na?
Bisan sa panumdoman, hanap
Sa dughan na lang madumdoman
Gamay. Dili ang imong panagway
Ang nabatyagan, kahidlaw na lamang.
Akoy
2010.4.16
2010/04/15
Handomanan Sa Usa Ka Bulak
Di matan-aw apan hikit-an, di mahikap apan mabatyagan
Dili siya priso sa hunahuna, lalang siya sa kawanangan, sa kalikopan.
Kalingawan iyang tumong sama sa kalipay ug kalinaw o kaha handomanan
Sa panagway sa katahoman nga aloman dapit sa iyang suwang. Maanyag siya,
Niadtong dalaga pa, niadtong nagka seatmate mi sa third year (HS)hahaha...Unya
Akong bolpen nahulog sa iyang saya, wa tuyoa, tunga-tunga sa iyang sabakan. Unsaon
Na lang nga dili man ko mangahas pagpunit kay duol sa na sa langit, misteryo ug milagro.
Ambot kon siya mipahiyom, kon siya mitan-aw sa kaulaw, kon unsang hitaboa nganong
Dili ko moduol kaniya? Ambot kon unsay nahitabo sa bolpen karon, kon diin na, kon wa
Na ba? Nahutdan ba'g tinta? Basta.
Wa damha giduolan kos iyang mga amiga, nga ako pod nga higala. Ang nanguna, mitug-an
Gani, mitug-an paglabay sa mga katuigan nga "Ikaw akong crush kaniadto."Samtang karon
Ako gipangutana, nganong iyang amiga nga akong katupad gipadunggan,"Never been kissed,
Never been touched, but totally damaged." Hanap. Morag mao morag dili,apan mabatyagan ang
Inalisngaw sa kapungot nga hinungdan ug naingnan, "Kay 'arte' kaayo siya".O, nasuya ko kaniya, sa
Iyang kaarte. Mao seguro ni. Kay daw tandogonon nga dili patandog. Kay tingali nabatyagan nako ang
Iyang kahilas nga basin kami magka-touch o kaha ang kahilas naa ra sulod sa akong 'stage of puberty'
Nga hunahuna. Mao seguro nga wala dinhi, wala didto nga kahilas, kaulaw kun kaarte nga maoy
Hinungdan nganong ang bolpen dili puniton. Na ambot na lang. Hilas is in the mind. Kay ang kaulaw
Hunahuna lamang. Ang kaarte? Ambot lagi.
Hangtod karon dili ko kauyon, kay daghang mapugngan, dili mabuhat tungod sa mga arte-arte lamang.
Tuod man, humanon nato ning asoy sa kasuya sa kaarte nga wala didto wala dinhi. Ug wala diay ni sa
Langit ug sa yuta, wala gani sa mga nanglabayng panahon, kay nabilanggo ra diay sulod sa hunahuna,
Ang bilanggoan nga wala dinhi wala didto nga dili tinuod, kay lagi hunahuna lamang ang iyang mga rehas.
Nagkasuod ra gihapon ming tanan. Kon unsa man kadto, nagkaestorya ra.Pahiyom na lang ang ako ron.
Akoy
2010.4.15
Dili siya priso sa hunahuna, lalang siya sa kawanangan, sa kalikopan.
Kalingawan iyang tumong sama sa kalipay ug kalinaw o kaha handomanan
Sa panagway sa katahoman nga aloman dapit sa iyang suwang. Maanyag siya,
Niadtong dalaga pa, niadtong nagka seatmate mi sa third year (HS)hahaha...Unya
Akong bolpen nahulog sa iyang saya, wa tuyoa, tunga-tunga sa iyang sabakan. Unsaon
Na lang nga dili man ko mangahas pagpunit kay duol sa na sa langit, misteryo ug milagro.
Ambot kon siya mipahiyom, kon siya mitan-aw sa kaulaw, kon unsang hitaboa nganong
Dili ko moduol kaniya? Ambot kon unsay nahitabo sa bolpen karon, kon diin na, kon wa
Na ba? Nahutdan ba'g tinta? Basta.
Wa damha giduolan kos iyang mga amiga, nga ako pod nga higala. Ang nanguna, mitug-an
Gani, mitug-an paglabay sa mga katuigan nga "Ikaw akong crush kaniadto."Samtang karon
Ako gipangutana, nganong iyang amiga nga akong katupad gipadunggan,"Never been kissed,
Never been touched, but totally damaged." Hanap. Morag mao morag dili,apan mabatyagan ang
Inalisngaw sa kapungot nga hinungdan ug naingnan, "Kay 'arte' kaayo siya".O, nasuya ko kaniya, sa
Iyang kaarte. Mao seguro ni. Kay daw tandogonon nga dili patandog. Kay tingali nabatyagan nako ang
Iyang kahilas nga basin kami magka-touch o kaha ang kahilas naa ra sulod sa akong 'stage of puberty'
Nga hunahuna. Mao seguro nga wala dinhi, wala didto nga kahilas, kaulaw kun kaarte nga maoy
Hinungdan nganong ang bolpen dili puniton. Na ambot na lang. Hilas is in the mind. Kay ang kaulaw
Hunahuna lamang. Ang kaarte? Ambot lagi.
Hangtod karon dili ko kauyon, kay daghang mapugngan, dili mabuhat tungod sa mga arte-arte lamang.
Tuod man, humanon nato ning asoy sa kasuya sa kaarte nga wala didto wala dinhi. Ug wala diay ni sa
Langit ug sa yuta, wala gani sa mga nanglabayng panahon, kay nabilanggo ra diay sulod sa hunahuna,
Ang bilanggoan nga wala dinhi wala didto nga dili tinuod, kay lagi hunahuna lamang ang iyang mga rehas.
Nagkasuod ra gihapon ming tanan. Kon unsa man kadto, nagkaestorya ra.Pahiyom na lang ang ako ron.
Akoy
2010.4.15
Kape?
Misakit akong ngipon
Ikaduha na ni.
Kaduha na pod ko
Wa masayod kon unsay hinungdan.
Ikaduha na ni.
Kaduha na pod ko
Wa masayod kon unsay hinungdan.
Akoy
2010.04.15
Karon, Ang Tagdon Karon
Nalimot ko sa balak nga miduaw kanako
Kay wa tagda, wa matagai'g higayon.
Kini na lang tubig nga gabula-bula karon
Kay akong gitungab, ang akong tagdon.
Kay wa tagda, wa matagai'g higayon.
Kini na lang tubig nga gabula-bula karon
Kay akong gitungab, ang akong tagdon.
Akoy
2010.4.15
2010/04/13
Dula Sa Kinabuhi
Ang kinabuhi nakigdula
Sa kalamposan ug kapakyasan
Sa mga surpresa ug problema,
Sa kasegurohan ug kulba-hinam
Kay ang tanan iyang panginahanglan.
Sa kalamposan ug kapakyasan
Sa mga surpresa ug problema,
Sa kasegurohan ug kulba-hinam
Kay ang tanan iyang panginahanglan.
Akoy
2010.4.13
2010/04/11
Nahubog Sa Balak
Kwadrado ang lamesa,
Nga gialirongan sa mga bangko
Nga among gilingkoran
Nga gasandig sa bungbong
Sa gamay nga lawak.
Si Su Feng mipalanog sa balak ni Ru Bing
Nga gabasa sa hilom sa mugna ni Su Dong
Nga mipahinungod og usa, 'Alang Kay Su Feng',
Nga lalom og pagtuo ug kasaysayan.
Usa siya ka Muslim.
"Gisabwag ko ang bino ngadto sa langit.
Nangahubog ang napulo ka mga bukid.
Gikulit ko sa punoan sa kahoy ang awit
Mubo lamang kini, sama ning kinabuhi."
Nahubog ko sa balak.
Akoy
2010.4.10
Nga gialirongan sa mga bangko
Nga among gilingkoran
Nga gasandig sa bungbong
Sa gamay nga lawak.
Si Su Feng mipalanog sa balak ni Ru Bing
Nga gabasa sa hilom sa mugna ni Su Dong
Nga mipahinungod og usa, 'Alang Kay Su Feng',
Nga lalom og pagtuo ug kasaysayan.
Usa siya ka Muslim.
"Gisabwag ko ang bino ngadto sa langit.
Nangahubog ang napulo ka mga bukid.
Gikulit ko sa punoan sa kahoy ang awit
Mubo lamang kini, sama ning kinabuhi."
Nahubog ko sa balak.
Akoy
2010.4.10
2010/03/26
Hilak Sa Kalipay
"Mang, nganong gahilak ka?",nangutana ang bata.
"Hilak ni sa kalipay", tubag sa inahan.
"Hilak ni sa kalipay", tubag sa inahan.
Natingala ang bata, katuohon dili.
Ang iyang hunahuna, "Naa diay hilak sa kalipay?"
Akoy
2010.3.26
2010/03/18
Langgam Sa Kaguol
Adunay langgam sa kaguol
Nga mibatog sa akong dughan.
Wa ko hisayri kon diin siya gikan.
Nga mibatog sa akong dughan.
Wa ko hisayri kon diin siya gikan.
Akoy
2010.3.18
2010/03/05
Uyab Sa Higala
Sa Pughawng Langit, samtang gasayaw ta
Ug bisan duha ka dangaw ang atong gilay-on,
Ug bisan duha ka dangaw ang atong gilay-on,
"Naa ba kay nabatyagan diha sa atong taliwala?"
"Oo", tubag nimo.
Mipadayon ta sa pakigduyog sa labyog sa tugtog
Mitagamtam sa init sa gimok niining panagkuyog
"Hinaot makakita ko og sama nimo ka gwapa
Sa Habagatang Panganod nga akong puy-an"
"Daghan lagi gwapa didto, makakita ra ka".
Taod-taod, nanghagad ka nga mopauli na,
(didto sa imong kaugalingong puloy-anan).
Ang imong kaanyag milingi, nanangpit diha
Sa pultahan nga abli na, gapaabot kanako.
Wala ko mikuyog nimo,
Uyab ka sa akong higala.
Akoy
2010.3.5
2010/02/28
2010/02/27
Sud-an
Pipila ka balak
Na-'save as draft'
Wa kita'g kagawsan
Kay ang magbabalak
Naikog sa paggaray sa
Imong ngabil nga daw sud-an
Daw isdang gipabukalan, gilamasan,
Gipalamian og mga utan nga parat-parat
Ug aslom-aslom. 'Unya unsa man?' (Imong
Pahiyom.) 'Lami lagi kaayo. (Milami og samot
Tungod sa imong ngabil nga daw isdang pulaho'g
Hasang, gipabukalan, gilamasan, gipalamian, sama
Ning ginasud-an karon ug ginasud-ong sa atubangan.)
Na-'save as draft'
Wa kita'g kagawsan
Kay ang magbabalak
Naikog sa paggaray sa
Imong ngabil nga daw sud-an
Daw isdang gipabukalan, gilamasan,
Gipalamian og mga utan nga parat-parat
Ug aslom-aslom. 'Unya unsa man?' (Imong
Pahiyom.) 'Lami lagi kaayo. (Milami og samot
Tungod sa imong ngabil nga daw isdang pulaho'g
Hasang, gipabukalan, gilamasan, gipalamian, sama
Ning ginasud-an karon ug ginasud-ong sa atubangan.)
Akoy
2010.2.28
2010/02/09
2010/02/08
2010/02/06
2010/02/05
2010/02/03
2010/01/31
Unsay Buhaton?
Giabli niya ang kurtina
Mitan-aw sa unahan
Nakita ang iyang hunahuna,
"Unsay buhaton ugma puhon?"
Mitan-aw sa unahan
Nakita ang iyang hunahuna,
"Unsay buhaton ugma puhon?"
Akoy
2010.1.31
2010/01/30
2010/01/29
2010/01/28
Katikig Sa Tangkugo
Giligo og init,
Gihapyod-hapyod sa tudlo
Ang liog gilingo-lingo
Hangtod nawala
Ang katikig sa tangkugo.
Gihapyod-hapyod sa tudlo
Ang liog gilingo-lingo
Hangtod nawala
Ang katikig sa tangkugo.
Akoy
2010.1.23
Oo, Tinuod, Nindot Ang Adlaw Karon
(Nakita ko niya gakaon sa paniudto,
Sa gamayng kan-anan. Iyang gisangpit, gitimbaya.)
"Diin ka gikan,dugay wa ka hikit-an?"
Sa gamayng kan-anan. Iyang gisangpit, gitimbaya.)
"Diin ka gikan,dugay wa ka hikit-an?"
"Gikan ko miuli sa akong nasod,
Ug miadto didto sa Singapore. Ikaw komosta na man?"
(Gipasiplatan ang kaanyag sa amiga nga sama kaniya kagwapa.)
"Naa ra gihapon sa akong tindahan.
(Gabaligya'g pangbabaye, pangpatahom nga bestida.
Miadtong miduaw ko, gihatagan ko niya og porselanang pitser, gibutangan
nakog tsa.)
Bisita unya". (Miyango ba ko o wala? Usa ka tuig kapin na mi, wa magkita.)
(Milakaw na siya. Akong gisangpit, gitugonan.)
"Ingna imong Papa nga nakakita ko sa mga hulagway niya."
(Siya ang maestro nga potograper nga midasig kanako,
Ug mibaligya sa daan niyang kamera nganhi kanako. Wa na gamita ron.)
"Asa dapit?"
"Didto sa bag-ong 'bar' (Tubaan, kon sa ato pa.)"
"Ah, didto sa ilang Yang Hong".
"O''.
(Oo,
Tinuod, nindot ang adlaw.
Minindot samot sa iyang pagtumaw.
Unsa kaha kon makahigayon ko pagduaw kaniya, puhon?)
(Gihalog ko niya sa tumang kahinangop, sa way kukaulaw,
Atubangan sa akong mga bisita, kaniadto kadto.
Usa na lamang kini ka handomanan karon, usa ka tin-aw nga handurawan.
Gibinlan ko niya niini sa iyang paglakaw, sama sa adlaw nga gapadayon sa
iyang panaw.)
(Nahuman na ang paghandom, undangon na kining balaka, kon balak bay
tawag niini.
Moinom na lang kog tsa, kay daw dili ko kapadayon hangtod dili nako
mainon ang tsa karon.)
Akoy
2010.1.28
Balahibo Sa Ilong
Ang balahibo
Migimaw sa lungag.
Putlon, 'nail cutter' gamiton.
Ang ilong nanghupaw, daw kabaw.
Unsa na kaha kon masipyat ang amaw?
'Nail cutter' pa kaha ang itawag sa pangputol
Sa balahibo sa lungag sa ilong nga migimaw?
Migimaw sa lungag.
Putlon, 'nail cutter' gamiton.
Ang ilong nanghupaw, daw kabaw.
Unsa na kaha kon masipyat ang amaw?
'Nail cutter' pa kaha ang itawag sa pangputol
Sa balahibo sa lungag sa ilong nga migimaw?
Akoy
2010.1.28
Giuhaw
Giwahing
Ang kurtina
Gitungab ang
Tubig, samtang
Gitan-aw ang bukid...
Gabalod-balod iyang bungtod.
Ang kurtina
Gitungab ang
Tubig, samtang
Gitan-aw ang bukid...
Gabalod-balod iyang bungtod.
Akoy
2010.1.28
Katulgon Pa, Mibangon Na
Gamata na ko
Bisan gapiyong ang mata
Gapiyong-piyong
Bisan ga-inom og kape.
Bisan gapiyong ang mata
Gapiyong-piyong
Bisan ga-inom og kape.
Akoy
2010.1.28
2010/01/27
Kahumot Sa Kusina
Paghanggab
Sa hangin,
Nanuhotsuhot
Ang kahumot sa giluto
(gikan sa kusina sa silingan)
Nga kalit misulod sa akong ilong
Ngadto sa kutokuto nga gigutom.
Sa hangin,
Nanuhotsuhot
Ang kahumot sa giluto
(gikan sa kusina sa silingan)
Nga kalit misulod sa akong ilong
Ngadto sa kutokuto nga gigutom.
Akoy
2010.1.27
2010/01/25
2010/01/24
2010/01/22
Salamat Kaayo
Kalayo
Salamat kanimo.
Asin, sili'g panakot
Tuhog ug kanimo karnero,
Salamat sa barbekyu.
Akoy
2010.1.22
Salamat kanimo.
Asin, sili'g panakot
Tuhog ug kanimo karnero,
Salamat sa barbekyu.
Akoy
2010.1.22
Haiti
Mibarog siya,
Gikan sa pagkahugno
Mihangad sa langit
Ug mipadayon
Gikan sa pagkahugno
Mihangad sa langit
Ug mipadayon
Sa paglakaw
Nga way kahadlok
Hangtod sa
Sunod linog.
Akoy
2010.1.22
2010/01/20
O,oy!
Di ba?
Di ba sa ibabaw sa langit ang bituon?
Ug sa kangitngit mogimaw ang katahom?
Di ba usahay motingsi, kalit mobuhagay
Ang siper, sa iyang pagpadalos-os.
O,oy!
Di ba sa ibabaw sa langit ang bituon?
Ug sa kangitngit mogimaw ang katahom?
Di ba usahay motingsi, kalit mobuhagay
Ang siper, sa iyang pagpadalos-os.
O,oy!
Akoy
2010.1.20
Tsokoleyt
Haaaaay
Gutom gamay
Gutom gamay
Unsa may makaon
Nga di man gusto mokaon
Og luto, kay ang buy-on modako.
Tsokoleyt! He he he he...Hmm...lamia.
Akoy
2010.1.20
Tisyu
Pamahaw
Pan ug kape
Pan ug kape
Sa gihapnig
Nga tisyu.
Humag kaon
Paphas mumho
Gikumkom, ug
Sa basurahan
Gisyot
Ang 'plato'.
Akoy
2010.1.20
2010/01/18
2010/01/17
2010/01/12
Mosulod Ko
Karon,
Mosulod ko,
Molakaw
Sulod ning wanang
Sa kalibotan.
Sama lang sa hunahuna
Nga gadagan-dagan
Sulod sa iyang handurawan.
Akoy
2010.1.12
Mosulod ko,
Molakaw
Sulod ning wanang
Sa kalibotan.
Sama lang sa hunahuna
Nga gadagan-dagan
Sulod sa iyang handurawan.
Akoy
2010.1.12
Iuli Ko
Iuli ko
Ang akong pag-ila kanimo.
Ania...
Kay usbon ko,
Sugdan pag-usab
Ang pagtan-aw kanimo.
Akoy
2010.1.12
Ang akong pag-ila kanimo.
Ania...
Kay usbon ko,
Sugdan pag-usab
Ang pagtan-aw kanimo.
Akoy
2010.1.12
Subscribe to:
Posts (Atom)
Bisita
Bisita
