Balak Ni Akoy

2009/06/14

Huh!

Nahinumdoman tika
Kuskos dayon kos gitara
Sa atong theme song
" El Condor Pasa"
Akong gikanta.

Mipanaw na gyod ka

Akoy
2009.6.14

Dalag ang sapot
Siya nga nagsingabot
Hinog og dughan

Akoy
2009.6.3

Ang kalibotan
Gadagan pasidlakan
Palis na'ng landong

Akoy
2009.6.3

Ang kinabuhi
Ikaw, ako aduna
Dunay utlanan

Akoy
2009.6.3

Human og kaon
Tutpik ang way sayd epik
Panghingiki pa

Akoy
2009.6.3

Kon dili ni langit, unsa man?
Adlaw nga masanagon
Dalan nga matahom
Akong gisubay

Misangko sa Vintage Cafe
Mi-order og juice
Nangita'g papel kasulatan
Mipalit og notebook sa tindahan

Diha sa gawas,
Sa kilid sa agianan
Mibalik ko sa paglingkod
Sa pagtagamtam sa palis

Misugod na'g sulat
Dihang natan-awan ko siya
Nga mitabok sa dalan
Sama sa anghel nga gapayong.

Akoy
2009.6.3

Nilakwan ba sa babaye,
Ga-itom og sinina?

Batan-on ba nga gahinay-hinay'g kitkit,
Tagubtob nga pizza?

Tulo ba ka dalaga nga milabay,
Gabilin og alimyon sa kahumot?

Adlaw ba sa kasadpan,
Gitabonan sa panganod?

Ang magbabalak nga gakitkit og tutpik,
Bukton ang 'gipanampiling'?

Gasulat og balak,
Ang mata kapiyongon na...

Ang balak damgo lang diay!?
Paghangad, midag-om na!

Akoy
2009.6.1