kon modaligdig ang luha ngadto sa baso sa kape...
mosamot ang iyang kahumot
kini mopukaw sa handomanan
sa kanhiay...daw pagsigop og
sinabwang kamonggay...madimdim nimo ang
lamilami ug paratparat sa kahaponon.
ang init sa sabaw motagbaw sa kahinangop
sa Yutang Tabonon…
may kainit sa dughan nga motuhop sa kalawasan,
mosulay paglumos sa panghupaw...
diin ko karon malipayon....ug hain na diay
kadtong karaan nga hayahay?
imna pag-usab ang humot nga kape...dimdima...
ang tinimplaha’g pahiyom ug hinagpat nga luha.
Akoy
2006.10.29
Bisita
Bisita
No comments:
Post a Comment