2008/09/16

Kamatuoran!

O,kahidlaw gikan pa kaniadto
Karon lang natin-aw
Daw tubig sa sapa
Pagsalom, ang kauhaw natagbaw.

Lab-as nga tubig, O kaputli!
Ang sapa way gitago.
Dayag ang bato sa ilalom
Lakip kalag ko, nabutyag.

Ang handom sa kahiladman
Mitumaw sa kahimatngonan
Sa damgo nahigmata, napukaw
Ang hagbay nga kahidlaw nahanaw.

Mahikalimtan ba?
Apan buhi ang handomanan
Sa kalag ko ug alimpatakan, diin
Ikaw ug Ako lambigit daw uhaw ug tubig.

Ikaw ug ako nahiusa sa handomanan
Diin imong katahom, akong handom
Imong pagkamao, akong nahimatud-an
Ikaw masabtan, Ako may salabotan.

Nabatyagan,nasabtan
Nahukman: "Ikaw tinuod!"
Sapa nga putli, dagayday sa Paraiso.
Ikaw tinuod, Akong mithi.

Akoy
2005.7.24

No comments:

Post a Comment

SUMUSUNOD

Bisita

Bisita