Mugna sa Pulong

labad sa ulo
tuyok tuyok sa utok
palayo dire, palayo ngadto
sa dapit
sa kadagatan
ibabaw sa pangpang
ang balay sa akong damgo

didto magtan-aw sa dagat
sa pantawan gapungko
sa bangko nga ginama sa kahoy
kay kining balay ginama man sa kahoy
mugna sa damgo
buot ka bang mokuyog kanako?

sa buntag magkuyog kita sa pagpamahaw
ug sa pagsalop sa adlaw
kuyog kita sa pantawan
magtupad og lingkod sa paglantaw
magsud-ong sa kanindot ning langit
samtang gahigop sa mainit nga kape.

apan sa ubang mga takna
buot kung mag-inusara diha sa sala
o sa pantawan magbasa
buot kung masulod sa
ginadamgo nga kalipay
pangandoy nga sinulat
o minugna sa pulong.

buot ka bang mokuyog?


Akoy
2003.5.17

DAMGO

Sa bata pa ko, kanunay...
ang damgo sa adlaw'ng tutok.
Natuman ang pipila,
apan wa lang damha
lahi ang hulagway sa kahimtang.

Naundang ang damgo
kaha, kay nanigulang,
ang kabatan-on gidaog sa bug-at nga kahimtang
pinas-an ang ngil-ad nga kamatuoran:
ang kagutom sa kadaghanan,
ang kauhaw sa uban,
ang kadaotan.
Nakabsan ang kusog sa damgo...
kay ang kinaiyahan ug katawhan
gikabsan sa kadaiyang kalambo'an.
Subo ang kasingkasing,
giluya sa kahuyang
gilamon sa kahaw-ang...
Ang tawo--- anak ning kalibotan,
bunga sa Damgo---gipasipad-an.

Uhaw sa damgo
ang nagkadaiyang katilingban sa kinaiyahan ug katawhan
Damgo sa kabataan nga mahimsog,
ang katawa ug hudyaka sa ilang dula.
Ang tigulang may pahiyom
may gipaambit nga sugilanon.
Suod ug lalom ang sandurot
sa mga batan-on ug hamtong.
Malipayon ang banay sa
timba-yayong.
Way gutom!
Way kahadlok!
May pagkaon bunga sa paglihok.
Usa ka damgo ang bunga
sa kahoy,
ang kakahoyan,
ang tim-os nga hangin,
ang huni sa tamsi,
tam-is nga awit,
damgo ang langit.
Tan-awa!
Tin-aw nga hulagway ang langit
ibabaw sa lanaw.
Pamati-a!
ang tam-is nga awit:
Ang Kalibutan mamahimong Langit.
Damgo!

Akoy
2003.03.09

O, Mama Mia

Naglawig ko,
nag inusara
sa lawod gianod
sa hangin gitukmod.
Niabot ang kamingaw,
langob nga mitaklob,
kahilom makabungog,
ang kabugnaw...
dulot sa bukog!

O, Mama Mia
Imong tingog,
akong nadungog
sa dughan milanog,
migun-ob sa ngiob.
Dayag ang hulagway,
matahom nga pahiyom
sa kamingaw mihupay
nakigsayaw…
sa imong laylay!

O, Mama Mia
Ang imong tawag,
akong kagawasan;
handom sa kalimot,
kalipay sa nabanhaw,
naluwas nga kahidlaw.
Diay, ikaw dili isalikway,
inahan sa kanunay,
akong dungog...
Inahang Tingog!

Akoy
2003.01.19

Ay, Buhay!

Ay, buhay iwan mo na ako
O, ika'y lalayasan ko
Ang gulogulo mo...
Ay, Buhay nga naman...
daming sakit ng ulo
hapdi at kirot
lungkot at problema,
Oo, nga naman
may gusto't pagnanasa
may ambisyon at pangarap
At, gumugulong ang panahon,
nasasagasaan ang damdamin
nagtutunggali ang puso't diwa
Haaay, Buhay ganon ka nga
may kaliwa't kanan, saan patungo
ang sa gitna'y nalilito,
Ay, Puso koy tumitibok
Sa isip ayaw nang sumunod
Bigat ng luha,pagod na ang mata.
Akoy di na kinikilala
Ay, ganyan nga ang buhay
biglang nasisiraan, at di inaakala.
Oo, kahit naman alam ko na
ay di sapat, dahil ang Buhay nga
naman ay may kanyang lakas,
Magalaw! May kilos!
Parating nagbabago,
at saan-saan tumutungo.

Hay, hindi ako susuko sa iyo,
kaibigan na lang tayo,
Kahit ika'y ganyan, mahal ka sa akin
Ikaw ang aking pipiliin.
Ay, sus naman, ang Patay ay patay, at walang kilos,
malamig, walang pagnanasa, walang-wala,
walang gulo, walang kahit ano,
walang sakit,walang lungkot, walang pagkalito,
at segurodong sa libingan tutungo.

Ay, buhay pahalik nga, payakap nga,
Ikaw rin aking iibigin,
maiyak man ako sa pagkukulit mo,
o sa pagmamanhid mo,
malilito man, mahal mo pa ba ako,
at akoy magkakaproblema ng ganito.
Ay, tanggapin at tanggapin na kita,
buong-buo sa puso't diwa,
kahit ika'y may nagkulang,
at papatawarin na kita.
Ikaw rin, buong saya mo at lungkot,
ngiti at simangot, ayayayyyyyyyyy
ay angkinin ko na rin, buong-buo.

Paghandaan ko nga lang ang 'moods' mo,
iyong galit at sorpresa, yong grasya at disgrasya
ang mga darating na milagro at pagtatampo mo.
e, ganyan ka nga, dahil ay Buhay.
Haharapin ko ang bukas, at bawat oras,
at bawat saglit, Ay, Buhay ikay minsa'y nagnanakaw ng sandali.
Ay, Buhay, patawarin na kita...
Ikaw ngay makulit at magulo
nakikipag-away, nagloloko,
Oo, nga naman, ang nakikipaglaban,
ay parang 'daynamo', naghaharapan, at umiinit, umaapoy!
Nakakasunog ng bahay, at naman nakakapagluto ng kanin
ang iyong apoy sa araw-araw.
Talaga nga Buhay, ika'y di mapili kung bahagi lamang...
Ay, tanggapin nga kita ng buong-buo, kahit minsa'y inaapi mo ako,
Matuto rin akong lumaban sa iyo, e,yan naman ang tinuturo mo.
E, ikaw rin ay nagpapansin, naglalambing, ngunit nagkakasakit din,
napapapagod at namamatay...
Ingat na lang, at ika'y gagamutin, pahinga na,
at sikaping intindihin, na ang may simula ay natatapos,
kahit Buhay ay namamatay rin.
Dios nga ang may bigay, Ikaw na Ama ang bahala,
At kong di ko na kayang pasanin ang mundo,
e,sa 'yo naman talaga ang mundo, pasanin mo na,
at sa yong balikat akoy papasanin mo na rin...
O, dito na lang sa iyong dibdib at nang
ako'y makapag-buntonghininga!
Sa piling mo, ako'y di nag-iisa.

Akoy
2005.12.09

Bahaw

pahiyom o hagikhik
panghupaw o pagkusmod
aslom nga pagbati
sa ilalom ning dughan
daw ilaga gadagandagan!

lalom nga panghupaw
ayayay!
way hunong nga panghupaw...
may bahaw ka ba diha?
ginamos ba kaha!?

gihidlaw sa piniritong bulad
o sinugbang bangus,
toyo ug suka
kamatis ug sebulyon
may lain pa ba diha?

magkinamot
magtungko sa bangko
ang suwang sa tuhod hapit na mosangko
nakalimot sa kalami,
nga bugnaw ang sabaw
kay paksiw lagi
ibahog-bahog lang
sa bahaw...

ang bahaw
salin sa nahurot!
biniyaan og gikalimtan,
apan lamian og makatagbaw
sa bisaya nga gihidlaw
sa kaugalingong buhilaman
nga nabahaw.

Akoy
2002.10.08

Kamingaw ni Adan

Ning kahaponon gibati

ang kamingaw ni Adan

kay Eba sa wa pa

siya gimugna sa Dios.

Akoy
2002.9.13